IGAPE-
Instituto Galego de Promoción Económica
ORGANISMO
IGAPE- Instituto Galego de Promoción Económica
1. TÍTULO
DO PROGRAMA / AXUDA
MICROCRÉDITOS 2013 - MICROCRÉDITOS AOS EMPRENDORES,
AUTÓNOMOS E MICROEMPRESAS.
2.
FINALIDADE / OBXECTIVO
Facilitar aos emprendedores, autónomos e persoas xurídicas,
con tamaño de microempresa, o acceso a microcréditos, destinados ao
financiamento dos seus proxectos de investimento.
3. TIPOS DE
APOIO
Aval das sociedades de garantía recíproca ( SGRs), ante as
entidades financeiras, polo 100% do microcrédito.
4.
BENEFICIARIOS POTENCIAIS
Poderán acollerse, emprendedores, autónomos e persoas
xurídicas con obxecto empresarial. Tamén poderán acceder ás operacións as
agrupacións de persoas físicas ou xurídicas, as comunidades de bens ou calquera
outro tipo de unidade económica ou patrimonio separado que, aínda carecendo de
personalidade xurídica, poidan levar a cabo actividades empresariais.
En todo caso deberán cumprir co requisito de microempresa
conforme á definición establecida pola Unión Europea, e dicir :
• Que teña menos de 10 traballadores.
• Que teñan unha cifra de negocios anual ou balance xeral
anual que non supere os 2 millóns de euros.
• Que cumpra o criterio de independencia.
5. SECTORES
INCENTIVABLES
Poderán ser obxecto de financiamento mediante os
microcréditos avalados, todas as actividades económicas, agás:
a) As actividades relacionadas coa exportación, a creación
de redes de distribución e investimentos vinculados a actividade de
exportación.
b) As actividades do sector do carbón.
6.
CUALIFICACIÓN REQUERIDA DO PROXECTO
CARACTERÍSTICAS DOS MICROCRÉDITOS
O importe máximo dos microcréditos será de 25.000 euros por
beneficiario e poderán acadar o 100% dos investimentos financiables.
O prazo de amortización será de 5 anos, incluído 1 ano, como
máximo, de carencia na amortización de principal.
O tipo de xuro nominal anual para os microcréditos acollidos
a este convenio, será o que libremente pacten as partes, no marco dos acordos
ou convenios de colaboración das Sociedades de Garantía Recíproca coas
entidades financeiras e poderá ser fixo ou variable.
As operacións serán avaladas ao 100% polas SGRs, ante as
entidades financeiras.
As SGR poderán cobrar ao cliente ata o 1% en concepto de
comisión de aval, calculado sobre o saldo vivo anual do importe avalado, así
coma a cota social mutualista, que se aboará ao inicio da operación. Este
importe será reembolsado ao cliente unha vez remate a súa relación coa SGR.
Poderán ser financiados os investimentos realizados con
posterioridade ao 1 de xaneiro de 2013 ata a data da primeira amortización de
principal do microcrédito.
7.
INVESTIMENTOS E/OU GASTOS COMPUTABLES
O proxecto investidor deberá consistir na adquisición de
activos a terceiros.
- Serán financiables os seguintes conceptos de gasto, que se
materialicen en:
a) Inmobilizado material, agás a adquisición de terreos e
edificacións:
− Reforma e axeitamento de locais.
− Bens de equipo e unidades funcionais de explotación
independente.
− Elementos de transporte, exclusivamente vehículos
industriais, agás vehículos de transporte de mercadorías por estrada por parte
de empresas que realicen esta actividade por conta allea.
− Honorarios facultativos de proxecto e dirección de obra.
− Outros investimentos en activos fixos materiais.
b) Inmobilizado intanxible adquirido a terceiros: unicamente
aplicacións informáticas, propiedade industrial, propiedade intelectual, canons
de entrada de concesións administrativas ou de franquías, e investimentos de
acondicionamento realizados nun local arrendado e que queden definitivamente
incorporados a aquel.
- Non poderán financiarse os impostos indirectos
recuperables que graven a adquisición, nin as achegas a realizar ás sociedades
de garantía recíproca.
- O titular deberá destinar os bens, exclusivamente, ao
desenvolvemento da actividade empresarial.
8. PRAZO DE
PRESENTACIÓN DE SOLICITUDES
As solicitudes deberán presentarse nas sociedades de
garantía recíproca, establecéndose coma data máxima de concesión dos
microcréditos o 31 de decembro do ano 2013.
9.
REFERENCIA LEXISLATIVA
Convenio de colaboración entre o Instituto Galego de Promoción
Económia (IGAPE) e as sociedades de garantía recíproca SOGARPO, S.G.R e
AFIGAL,S.G.R, asinado o 03/06/2013.
10.
INFORMACIÓN E TRAMITACIÓN EN
Información:
- Nas oficinas do Igape
- Por teléfono: 902 300 903 / 981 54 11 47
- Por correo electrónico: informa@igape.es
- Na web do
Igape: www.igape.es
Tramitación:
1.- Para solicitar un microcrédito, a empresa deberá poñerse
en contacto coas SGRs asinantes do convenio:
Solicitantes do concello de Ferrol:
AFIGAL, S.G.R.:
Oficina de Ferrol
Rúa da Iglesia, 52-1º
15402 Ferrol, A Coruña
Tel.: 981 369 383
ORGANISMO
IGAPE- Instituto Galego de Promoción Económica
1. TÍTULO
DO PROGRAMA / AXUDA
IG107 - PROXECTOS DE CREACIÓN DE PEQUENAS E MEDIANAS
EMPRESAS OU REALIZACIÓN DE INVESTIMENTOS EN EMPRESAS NOVAS PROMOVIDAS POR NOVOS
EMPRENDEDORES (2013)
2.
FINALIDADE / OBXECTIVO
Fomentar a aparición de proxectos de creación de pequenas e
medianas empresas ou de realización de investimentos en pequenas e medianas
empresas novas promovidas por novos emprendedores.
3. TIPOS DE
APOIO
Subvención a fondo perdido en réxime de concorrencia non
competitiva.
4.
BENEFICIARIOS POTENCIAIS
As pequenas e medianas empresas segundo a definición
establecida pola Comisión Europea, nas que non concorra algunha das
circunstancias previstas no artigo 10.2º e 3º da Lei de xuño, de subvencións de
Galicia e cumpran as seguintes condicións:
1.- Composición do capital, no caso de sociedades mercantís:
a. O seu capital terá que atoparse maioritariamente
participado pola suma das participacións de persoas físicas que non estean
acometendo outras actividades económicas por conta propia á data de presentación
da solicitude e das achegas de entidades de capital risco e investidores
privados adscritos a unha rede asimilable ás coñecidas como redes de
business-angels. Cando se observase que se produce continuidade empresarial,
por baixa recente (antigüidade menor a un ano) nunha actividade que é igual ou
similar á que se propón como nova, ou por razóns que permiten concluír unha
continuidade de empresa preexistente, poderase denegar motivadamente a axuda.
b. A participación no capital da empresa de persoas, físicas
ou xurídicas, que si estean desenvolvendo outras actividades económicas na data
de solicitude, non poderá exceder conxuntamente o 49%. Polo menos unha das
persoas físicas cunha participación superior ao 20% no capital e sen outra
actividade económica por conta propia á data de solicitude, deberá ter unha
dedicación plena ao proxecto, e non poderá desempeñar outra actividade por
conta allea desde a alta de actividade da nova empresa (ou no caso de contar
con alta de actividade no momento da solicitude de axuda desde o día da dita
solicitude) e ata o fin do período de execución do proxecto.
2.- Antigüidade na actividade empresarial:
i) No caso de autónomos a data de alta censual non poderá
ter unha antigüidade superior a un ano no momento da solicitude de axuda e
deberá ter unha dedicación plena ao proxecto, e non desempeñar outra actividade
por conta propia ou allea desde a alta de actividade (ou no caso de contar con
alta de actividade no momento da solicitude de axuda desde o día da dita solicitude).
ii) No caso de sociedades, tanto a súa data de constitución
como a súa data de alta censual non poderán ter unha antigüidade superior a un
ano no momento da solicitude de axuda
3.- Contribución financeira exenta de axudas públicas:
Os beneficiarios deberán achegar para o proxecto de
investimento unha contribución financeira exenta de calquera tipo de apoio
público de polo menos un 25% do seu importe, sexa mediante recursos propios ou
mediante financiamento externo.
5. SECTORES
INCENTIVABLES
1.- Están excluídas das axudas as seguintes actividades:
a) As actividades de produción primaria dos produtos
agrarios, e as actividades nos sectores da pesca e da acuicultura: CNAE 09:
Divisións 01, 02, 03 e 05 (todos os grupos e clases agás 01.61, 01.62 e 02.40),
10.2 (todas as clases) e Clase 46.38.
b) O sector da industria siderúrxica. CNAE 09: Grupos 24.1,
24.2 e 24.3 (todas as clases) e clases 24.51, 24.52.
c) O sector de fibras sintéticas.
d) O sector do carbón e do aceiro. CNAE 09: División 05 (todos
os grupos e clases).
e) O sector da construción naval. CNAE 09: Clase 30.11.
2. Nos subsectores de hostalaría, restauración e hospedaxe,
unicamente serán subvencionables as actividades de restaurantes, e de hoteis de
dúas estrelas ou superiores.
6. REQUISITOS
PRINCIPAIS DO PROXECTO
Serán subvencionables os proxectos de creación de pequenas e
medianas empresas ou de realización de investimentos en pequenas e medianas
empresas novas promovidas por novos emprendedores para a ampliación do seu novo
establecemento que cumpran os requisitos establecidos nestas bases reguladoras,
entre eles:
a) Non teñan comezado antes da presentación da solicitude de
axuda.
b) Presenten un custo subvencionable superior a 35.000€ e
non superior a 500.000€, que se realizará no prazo de execución do proxecto que
se estableza na resolución de concesión; se o custo subvencionable resultase
superior a 500.000 €, o Igape reduciría a base subvencionada a esta cantidade.
c) Os gastos e/ou investimentos subvencionables terán que
estar localizados no centro de traballo da empresa en Galicia.
Considérase novo emprendedor, para os efectos destas bases,
aquela persoa física que non estea acometendo outra actividade económica por
conta propia á data de presentación da solicitude de axuda. Considerarase que
non se cumpre esta condición cando unha persoa no momento da solicitude figure
de alta no RETA cunha antigüidade superior a un ano ou detente unha
participación igual ou superior ao 25% noutra sociedade mercantil.
7.
INVESTIMENTOS E/OU GASTOS COMPUTABLES
a) Investimentos realizados en:
i.- Obra civil para construción, reforma ou habilitación de instalacións.
ii.- Bens de equipamento: maquinaria de proceso, utensilios,
equipamentos informáticos, mobiliario, instalacións específicas para a
actividade subvencionable, elementos de transporte interior, vehículos
especiais de transporte exterior, medios de protección do ambiente e outros
bens de equipamento ligados ao proxecto. Nos sectores do transporte e loxístico
non serán subvencionables os elementos de transporte exterior.
iii.- Outros investimentos en activos fixos mobiliarios.
iv.- Investimentos en inmobilizado inmaterial: aplicacións
informáticas, gastos de investigación e desenvolvemento; propiedade industrial
e intelectual, podendo incluír licenzas de fabricación, patentes e o canon fixo
de franquías no seu primeiro ano.
b) Gastos de aprovisionamentos de materias primas, produtos
terminados ou servizos de profesionais independentes necesarios para vender un
produto ou servizo. Podendo representar ata o 10% do proxecto subvencionado
total.
c) Os gastos de aluguer de bens inmobles, ata un prazo
máximo dun ano.
d) Os gastos do informe de auditor.
8. CONTÍA
DAS AXUDAS
Respectando os límites establecidos para cada tipo de gasto,
a intensidade de axuda concedida establécese entre un mínimo dun 15% dos gastos
subvencionables e un máximo do 50%.
A dita intensidade da axuda resultará da aplicación da
seguinte fórmula: 15+35×(puntos obtidos/100) da puntuación obtida segundo o
artigo 5.2 das bases.
Segundo o tipo de gasto subvencionable, a intensidade da
axuda non poderá superar:
1.- Para os gastos de investimento:
a) Como regra xeral:
-Ata o 40% para medianas empresas.
-Ata o 50% para pequenas empresas.
-Ata o 30% para empresas do sector do transporte.
b) Axudas ao investimento no sector da transformación e
comercialización de produtos agrícolas, ata o 50%.
2.- Para os gastos de aluguer a pequenas empresas de recente
creación, ata o 35 % dos custos subvencionables.
3.- Para os gastos de informe de auditor; ata o 50 % dos
custos subvencionables.
4.- No caso das axudas outorgadas en réxime de minimis aos
gastos de aprovisionamento e os gastos de aluguer de bens inmobles concedidos a
beneficiarios que superen os límites de pequena empresa, comprobarase que as
axudas totais concedidas en réxime de minimis non superarán os 200.000 € no
exercicio corrente e nos dous exercicios anteriores.
Para os proxectos que se implanten nos concellos das
comarcas de Ferrol, Eume e Ortegal, concellos da Costa da Morte, concellos da
provincia de Lugo e concellos da provincia de Ourense garántese unha axuda
mínima do 25% dos custos subvencionables.
9. PRAZO DE
PRESENTACIÓN DE SOLICITUDES
O prazo de presentación de solicitudes comezará o día
seguinte ao da publicación desta resolución no Diario Oficial de Galicia e
rematará o 30 de outubro de 2013 ou no intre do esgotamento do crédito
orzamentario.
Poderanse cubrir e obter os formularios a través da
aplicación informática ata as 14.00 horas do día da data de finalización do
prazo de presentación de solicitudes.
10.
INCOMPATIBILIDADES
Estas axudas son INCOMPATIBLES con calquera outra axuda ou
subvención para o mesmo proxecto cofinanciada con Fondos ou Instrumentos da UE,
agás coas axudas ou programas de carácter financeiro como subsidiación ao tipo
de xuro, microcréditos, garantías ou préstamos directos.
Noutro caso, as axudas serán COMPATIBLES con calquera outra
liña de subvencións, sempre que respecten as intensidades de axuda máxima
indicadas.
11.
REFERENCIA LEXISLATIVA
Resolución do 20 de maio (DOG Nº 102 do 30/05/2013) - Bases
reguladoras e convocatoria 2013
12.
INFORMACIÓN E TRAMITACIÓN EN
Información nas oficinas territoriais do IGAPE e a través do
teléfono 902 300 903 ou 981 54 11 47.
Tamén a través de www.igape.es ou en informa@igape.es
Para presentar unha solicitude de axuda, os interesados
deberán cubrir previamente un formulario a través da aplicación de axuda
establecida no enderezo da internet http://www.tramita.igape.es
Poderanse cubrir e obter os formularios a través da
aplicación informática ata as 14.00 horas do día da data de finalización do
prazo de presentación de solicitudes.
As solicitudes de axuda presentaranse mediante a instancia
normalizada (anexo I) que se obterá a través da aplicación informática. Xunto
coa instancia de solicitude, presentarase a seguinte documentación, en orixinal
ou copia cotexada:
13.
OBSERVACIÓNS
Os beneficiarios deberán presentar a solicitude de
cobramento da subvención no prazo improrrogable dun mes desde o remate do prazo
de execución establecido na resolución de concesión sen que nunca poida exceder
do 30 de outubro do exercicio correspondente á anualidade establecida na
resolución de concesión.
Consellería
de Traballo e Benestar
ORGANISMO
Consellería de Traballo e Benestar
1. TÍTULO
DO PROGRAMA / AXUDA
AXUDAS E SUBVENCIONS ÁS INICIATIVAS DE EMPREGO DE BASE
TECNOLOXICA (IEBT) (TR340E)
2.
FINALIDADE / OBXECTIVO
O programa de apoio ás iniciativas de emprego de base
tecnolóxica (IEBT) configúrase como un instrumento para a dinamización da vocación
emprendedora e para aproveitar o potencial das persoas dedicadas á
investigación e das persoas con titulación universitaria como xestores dos seus
proxectos empresariais innovadores, así como apoiar e fomentar a transferencia
do amplo coñecemento creado nas universidades e nos centros de investigación en
proxectos xeradores de riqueza e de emprego.
3. TIPOS DE
APOIO
Axudas a fondo perdido en réxime de concorrencia non
competitiva.
As empresas cualificadas como IEBT poderán solicitar as
seguintes modalidades de axudas:
a) Subvención á creación directa de emprego estable.
b) Subvención para a contratación de persoal técnico de alta
cualificación.
c) Apoio á función xerencial.
d) Subvención financeira.
e) Axuda para o inicio e posta en marcha da actividade.
4.
BENEFICIARIOS POTENCIAIS
Empresas privadas, incluídos autónomos, que se constitúan e
inicien a súa actividade nun prazo non superior a un ano desde que o proxecto
empresarial foi cualificado como IEBT sempre que se cumpran os requisitos e condicións
establecidos nesta orde para cada tipo de axuda.
O cadro de persoal no mes en que se proceda á primeira
contratación por conta allea deberá estar constituído, como mínimo, nun 25% por
persoas con titulación universitaria.
5. SECTORES
INCENTIVABLES
Todos
6.
CUALIFICACIÓN REQUERIDA DO PROXECTO
As empresas deben estar previamente cualificadas como
iniciativas de emprego de base tecnolóxica (IEBT) e inscritas no rexistro
administrativo habilitado para o efecto na Dirección Xeral de Promoción do
Emprego.
7.
INVESTIMENTOS E/OU GASTOS COMPUTABLES
a) Subvención á creación directa de emprego estable
Os postos de traballo estables de carácter indefinido,
incluídos os dos propios promotores e promotoras, creados nun centro de
traballo da Comunidade Autónoma de Galicia antes de transcorrer un ano desde a
data de inicio da actividade e que sexan ocupados por persoas desempregadas,
incentivarase cada un deles cunha subvención de:
a) 4.000 euros se son homes desempregados.
b) 5.000 euros se son mulleres desempregadas.
c) 5.000 euros se son mozos desempregados.
d) 5.600 euros se son mozas desempregadas.
e) 6.000 euros se son titulados universitarios
desempregados.
f) 6.600 euros se son tituladas universitarias
desempregadas.
g) 7.000 euros se son persoas desempregadas que posúan o
título de doutor ou doutora
Cando a dedicación sexa a tempo parcial, as contías destes
incentivos serán proporcionais ao tempo efectivo de traballo en función da
xornada a tempo completo establecida no convenio colectivo de aplicación ou, na
súa falta, da xornada ordinaria legal.
Non se concederá esta axuda cando se trate de traballadores
ou traballadoras que prestasen servizos na mesma empresa en virtude dun contrato
de carácter temporal.
Cando se trate de contratacións indefinidas de traballadoras
ou traballadores por conta allea, esta axuda, de ser o caso, será compatible
coas bonificacións á Seguridade Social previstas na normativa estatal, sen que
ambos os dous beneficios poidan superar o 60 % do custo salarial de dúas
anualidades correspondentes ao contrato obxecto de subvención.
Serán subvencionables ao abeiro desta orde os postos de
traballo creados entre o 1 de outubro de 2012 e o 30 de setembro de 2013.
B) Subvención para a contratación de persoal técnico de alta
cualificación.
As contratacións temporais de persoal técnico de alta
cualificación realizadas na Comunidade Autónoma de Galicia antes de que
transcorra un ano desde a data de inicio da actividade serán subvencionadas
nunha contía equivalente ao 40 % dos custos salariais
totais, incluídas as cotizacións á Seguridade Social por
todos os conceptos, segundo a duración do contrato, cun máximo de 12
mensualidades.
Esta subvención terá como límite máximo, por todas as
contratacións, a contía de 18.000 euros, e estará condicionada á xustificación
pola empresa de que, coas contratacións obxecto de subvención, se suplan
carencias ben identificadas para o desenvolvemento da actividade empresarial e
o bo fin dela.
Serán subvencionables, ao abeiro desta orde, as
contratacións realizadas entre o 1 de outubro de 2012 e o 30 de setembro de
2013.
Esta subvención é compatible, se é o caso, coas
bonificacións de cotas á Seguridade Social previstas na normativa estatal, sen
que ambos os dous beneficios poidan superar o 60 % do custo salarial anual.
C)Apoio á función xerencial.
Poderase financiar o apoio ás funcións xerenciais para
axudar á persoa promotora ou aos empresarios e ás empresarias
na toma de decisións necesarias para o funcionamento da
empresa.
Poderá ser obxecto desta modalidade de axuda o gasto
orixinado, entre o 1 de outubro de 2012 e o 30 de setembro de 2013, e realizado
no primeiro ano de actividade empresarial. Este gasto deberá ser efectivamente
xustificado mediante facturas e documentos bancarios acreditativos do seu
pagamento con anterioridade á finalización do período de xustificación
establecido na resolución de concesión ou, de ser o caso, ata o 31 de outubro
de 2013.
Non serán subvencionables, en ningunha das modalidades
sinaladas as medidas de apoio prestadas polos socios ou empresas dos socios da
empresa que solicitan subvención.
A contía do incentivo para o apoio á función xerencial será
do 75 % do custo dos servizos recibidos, cun límite máximo de 12.000 euros polo
conxunto das modalidades de asistencia técnica previstas.
D) Subvención financeira
subvención financeira ten por finalidade promover a creación
de postos de traballo mediante a redución dos xuros de préstamos para financiar
os investimentos que sexan necesarios para a creación e posta en marcha das
empresas cualificadas como IEBT.
Como mínimo, o 75 por cento do importe do préstamo deberá
destinarse a financiar investimentos en inmobilizado material ou intanxible.
Esta axuda, pagadoira dunha soa vez, será equivalente á
redución de ata catro puntos do tipo de xuro fixado pola entidade financeira
que conceda o préstamo, calculada sobre os oito primeiros anos de vixencia
destes. A contía calcularase como se a subvención
se devindicase cada ano de duración do préstamo, incluído o
posible período de carencia. O tipo de xuro poderá ser fixo ou variable, e
tomarase como referencia para o cálculo da subvención o tipo de xuro vixente na
data da resolución da subvención ou o vixente na data da sinatura do contrato
do préstamo, se esta é anterior.
Esta subvención ten como límite a contía máxima de 6.300
euros por emprego estable creado para persoas desempregadas durante o primeiro
ano desde o inicio da actividade.
E) Axuda para o inicio e posta en marcha da actividade
Esta axuda consistirá nunha subvención para o financiamento
dos gastos necesarios para o inicio e a posta en marcha da actividade. O
importe máximo desta axuda determinarase en atención ao número de postos de
traballo estables creados e subvencionados durante o primeiro ano de
actividade, de acordo coa seguinte escala:
– De 1 a 2 postos de traballo: 24.000 euros.
– De 3 a 10 postos de traballo: 36.000 euros.
– De 11 a 20 postos de traballo: 48.000 euros.
– 21 ou máis postos de traballo: 60.000 euros.
O importe da axuda non poderá superar o custo total dos
gastos subvencionables e a contía de 12.000 euros por posto de traballo estable
creado.
Os gastos subvencionables serán os gastos de constitución da
empresa, a compra de mercadorías, materias primas e outros aprovisionamentos; o
arrendamento do local, de maquinaria e de equipamentos informáticos; os gastos
do seguro do local, de publicidade e subministracións, excluído o imposto sobre
o valor engadido ou, de ser o caso, os impostos indirectos equivalentes cando
sexan susceptibles de recuperación ou compensación. Os gastos poderán ser
computados sempre que as facturas estean estendidas a nome da entidade
solicitante e non sexan emitidas por algún dos promotores da empresa.
Exclúense, así mesmo, os impostos e os gastos referidos aos domicilios
particulares dalgunha das persoas promotoras.
8. PRAZO DE
PRESENTACIÓN DE SOLICITUDES
O prazo xeral de presentación de solicitudes de todos os
tipos de axudas do programa regulado nesta orde finalizará o 30 de setembro de
2013.
9.
INCOMPATIBILIDADES
En ningún caso o importe das subvencións ou axudas
concedidas ao abeiro desta orde poderá ser de tal contía que, illadamente ou en
concorrencia con outras subvencións, axudas, ingresos ou recursos, concedidos
por outras administracións ou entes públicos ou privados, nacionais, da Unión
Europea ou de organismos internacionais, supere o 80 % do custo da actividade
que vaia desenvolver a persoa ou entidade beneficiaria.
As subvencións reguladas nesta orde serán incompatibles coas
axudas establecidas nos programas de iniciativas locais de emprego (ILES), de
promoción do emprego autónomo, de iniciativas emprendedoras e de emprego, así
como no Programa de fomento do emprego en cooperativas e sociedades laborais,
agás que se trate da axuda para o acceso á condición de socio ou socia
traballador ou traballadora dunha cooperativa de traballo asociado, convocados
pola Consellería de Traballo e Benestar.
A axuda á creación directa de emprego estable e a subvención
para a contratación de persoal técnico de alta cualificación serán
incompatibles coas establecidas nos diferentes programas de fomento da
contratación por conta allea convocados pola Consellería de
Traballo e Benestar. Os ditos incentivos serán compatibles,
de ser o caso, coas axudas ou bonificacións ás cotizacións á Seguridade Social.
10.
REFERENCIA LEXISLATIVA
Orde do 29 de maIo de 2013 (DOG Nº107 do 06/06/2013) - Bases
reguladoras e convocatoria 2013
11.
INFORMACIÓN E TRAMITACIÓN EN
As solicitudes e os anexos deste programa están dispoñibles
na páxina web da Consellería de Traballo e Benestar: http://traballo.xunta.es
DIRECCIÓN XERAL DE PROMOCIÓN DO EMPREGO
Subdirección Xeral de Apoio á Contratación, aos
Emprendedores e ao Traballo Autónomo
Servizo de Apoio aos Emprendedores e á integración Laboral
das Persoas con Discapacidade
Edificio Administrativo San Lázaro, s/n
15781 SANTIAGO DE COMPOSTELA
TELÉFONOS:
981 957732, 981 544716, 981 544682, 981 957253
Programa Leader de Galicia 2007-2013
ORGANISMO
ASOCIACIÓN COSTA NOROESTE. Grupo de Desenvolvemento Rural.
1. TÍTULO
DO PROGRAMA / AXUDA
Fondos
europeos do Leader Galicia 2007-2013
2.
FINALIDADE / OBXECTIVO
Promover:
a_DINAMIZACIÓN DO SECTOR AGRARIO E FORESTAL
b_MELLORA AMBIENTAL E DO CONTORNO RURAL
c_DIVERSIFICACIÓN DA ECONOMÍA RURAL E MELLORA DA CALIDADE DE
VIDA
3. TIPOS DE
APOIO
Subvención a fondo perdido sobre o investimento ou gasto
aprobado.
4.
BENEFICIARIOS POTENCIAIS
- Persoas físicas.
- Persoas xurídicas de carácter privado:
·
Sociedade Laboral
·
Sociedade Mercantil
·
Sociedade Civil
·
Sociedades Agrarias de Transformación
·
Cooperativas
·
Asociacións
·
Fundacións
·
Outros/as
- Entidades públicas de carácterlocal ou comarcal:
concellos,mancomunidades, consorcios e entidades dependentes das anteriores.
- Comunidades de montes veciñais en man común e as súas
mancomunidades.
5. SECTORES
INCENTIVABLES
ACTIVIDADES
Non Produtivas,
aqueles proxectos que non supoñan o inicio ou desenvolvemento dunha actividade económica
e/ou non estean afectos a unha actividade económica. Así mesmo, terán este
carácter aqueloutros proxectos de interese público que, aínda constituíndo unha
actividade económica, ou estando afectos a unha actividade económica, non
incidan sobre o réxime de competencia do territorio (concello) de que se trate
e sempre que estean promovidos por unha entidade pública local ou una entidade
sen ánimo de lucro.
Produtivas, as
demais.
6.
CUALIFICACIÓN REQUERIDA DOS PROXECTOS
As actuacións subvencionables responden ás seguintes
estratexias:
a_DINAMIZACIÓN DO SECTOR AGRARIO E FORESTAL
·
Investimentos no sector agrario:
·
Novas técnicas de produción
·
Recuperación de variedades tradicionais
·
Novas producións
·
Producións extensivas en áreas ambientalmente
sensibles
·
Mellora da eficiencia enerxética das
explotacións
·
Aplicacións das TIC´s nas explotacións
·
Aumento do valor económico dos montes:
·
Posta en valor de superficies de montes veciñais
en man común ou de asociacións de propietarios,
·
fomento da diversificación forestal e
valorización da produción de cogomelos.
·
Incremento do valor engadido dos produtos
agrarios e forestais:
·
Transformación e comercialización de produtos
agrarios e forestais e proxectos de transformación
·
e comercialización de produtos forestais.
·
Cooperación para o desenvolvemento de novos
produtos, procesos e tecnoloxías no sector agrario, alimentario e forestal.
b_MELLORA AMBIENTAL E DO CONTORNO RURAL
·
Investimentos non produtivos en explotacións
agrarias.
·
Investimentos non produtivos en espazos forestais.
·
Investimentos non produtivos para a adecuación,
recuperación e posta en valor do patrimonio ambiental en espazos naturais e no
contorno rural.
c_DIVERSIFICACIÓN DA ECONOMÍA RURAL E MELLORA DA CALIDADE DE
VIDA
·
Diversificación das explotacións agrarias cara a
actividades non agrarias:
o
Transformación e venda de produtos
agroalimentarios locais. Elaboración e venda de produtos artesanais.
Agroturismo. Servizos educativos, culturais,recreativos, ambientais, asociados
á valorización de patrimonio natural e/ou cultural ou a ecosistemas agrarios
e/ou forestais do territorio. Prestación de servizos á poboación e outras
actividades complementarias da agraria.
·
Creación, ampliación e modernización de PEMEs,
en sectores da economía diferentes ao da produción agraria primaria:
o
Fomento de actividades turísticas.
-
Infraestruturas a pequena escala, tales como
centros de información turística.Rutas de sendeirismo e outras infraestruturas
turísticas, desenvolvemento e/ou comercialización de novos produtos e servizos
turísticos relacionados co turismo rural.
o
Servizos básicos para a economía e as poboacións
rurais.
-
Renovación e desenvolvemento de poboacións
rurais e conservación emellora do patrimonio rural.
-
Elaboración de plans de protección e xestión das
zonas Natura 2000 e demais zonas de alto valor natural. Mantemento, restauración
e mellora do patrimonio natural, incluíndo proxectos de mantemento e
recuperación de sistemas silvo pastorís en MVMC. Desenvolvemento de paraxes de
alto valor natural.
o
Investimentos en restauración, mellora e posta
en valor do patrimonio.
o
Formación vinculada a proxectos de investimento
material promovidos no marco da Estratexia.
7.
INVESTIMENTOS E/OU GASTOS COMPUTABLES
·
Construción, adquisición e mellora de bens
inmobles.
·
Instalacións e compra de maquinaria e equipos,
incluídos programas informáticos, ata o valor de mercado.
·
Equipamento e material non funxible.
·
Adquisición de terreos non edificados (de acordo
ao Réxime de Axudas).
·
Custos xerais, como estudos técnicos, gastos de
proxectos, dirección de obra, estudos de viabilidade e outros gastos de
consultoría relativos aos investimentos realizados, así como adquisición e
expedición de patentes e licenzas (ata o 20 %).
·
Medios e equipos de transporte.
Proxectos de natureza
produtiva:
·
Vehículos de transporte industrial e comercial,
en proxectos que dean lugar ao inicio dunha actividade económica.
·
Adecuación de vehículos de transporte de
mercadorías para o desenvolvemento da actividade.
Proxectos de natureza
non produtiva:
·
Equipos para a prestación de servizos de
transporte á demanda de pasaxeiros, en áreas de baixa densidade de poboación.
8.
INVESTIMENTOS E/OU GASTOS NON COMPUTABLES
·
IVE excepto o non recuperable nos proxectos non
produtivos cando sexa custeado de forma efectiva e definitiva polo suxeito
pasivo.
·
Impostos indirectos.
·
Gastos de funcionamento da actividade
subvencionada e material funxible.
·
Gastos de constitución, rexistrais e notariais.
·
Intereses debedores das contas bancarias.
·
Gastos anteriores ao levantamento dunha acta de
non inicio por parte do GDR.
·
Reposición ou mera substitución de equipamentos
e maquinaria.
·
Obras de mantemento das instalacións.
·
Gastos de alugamento de equipamento e
investimentos financiados mediante arrendamento.
·
Xuros, recargas e sancións administrativas.
·
Gastos de procedementos xudiciais.
·
Compra de dereitos de produción agraria, animais
e plantas anuais e a súa plantación.
·
As partidas de gastos xerais e beneficio
industrial.
8. PRAZO DE
PRESENTACIÓN DE SOLICITUDES
Do 25 de febreiro de 2010 ao 1 de setembro de 2013.
9.
REFERENCIA LEXISLATIVA
Programa de Desenvolvemento Rural (PDR) de Galicia para a
etapa 2007-2013, constituindo resposta as disposicions do Reglamento (CE) nº
1698/2005 do 20 de setembro de 2005 relativo a axuda ao desenvolvemento rural a
través del Fondo Europeo Agrícola de Desenvolvemento Rural (FEADER).
10.
INFORMACIÓN E TRAMITACIÓN EN
ASOCIACION COSTA
NOROESTE
Oficina Ferrol
Enderezo: A Malata, s/n, Edificio de Usos Múltiples, 15404,
Ferrol
Teléfono/Fax: 981 33 33 98 / 981 37 30 62
Correo Electrónico: info@costanoroeste.org
Oficina Ortigueira
Enderezo: R/ Reverendo Marquez Cortiñas, s/n, 15330,
Ortigueira
Teléfono: 981 40 00 00 Extensión 1024
Correo Electrónico: info@costanoroeste.org
No hay comentarios:
Publicar un comentario