PROXECTO:
FOMENTO DO COOPERATIVISMO DA MULLER RURAL FERROLÁ
A. Contextualización do proxecto e xustificación
O entorno metropolitano de Ferrol, ven
propiciando nos últimos 20 anos, unha situación de destrucción de emprego,
propiciada en gran medida polas diferentes reconversións do sector naval na
comarca. Este fenómeno, que afectou de forma laboral a milleiros de familias no
entorno, propiciou ao tempo que se adelgazaran os movementos comerciais e se
producira unha contracción no gasto, que de xeito colateral afectou a tódolos
sectores poboacionais, económicos e sociais.
Ante estas situacións de crise, os colectivos
máis desprotexidos tenden a ser as mulleres, e de xeito maior as que se atopan
no medio rural. Nestas zonas, visibilízase máis o aillamento social, ausencia
de recursos, as necesidades de formación, e é onde as administracións deben
incidir en maior medida, buscando o equilibrio en oportunidades a respecto das
áreas urbanas.
Neste senso, entendemos que as parroquias do
rural de Ferrol deben recibir un apoio en aras da igualdade co resto do
entorno, promovendo actividades e accións que permitan potenciar a colectivos
para que poidan desenvolver o seu proxecto vital en igualdade de condicións que
a xente que viva en entornos non rurais.
Preséntase o presente proxecto coa finalidade
de que dentro de esta zona delimitada se protexa a un colectivo se cabe aínda
máis vulnerable: as mulleres do entorno rural, para que desde xeito teñan a
posibilidade de participar nun itinerario de accións que lles permitan ter
formación sobre fórmulas de empredemento e autoemprego, coñecementos de cara a
poder ser actrices do seu propio ciclo profesional, buscando potencialidades e
recursos no seu propio entorno.
B. Obxectivo principal
Para poder acadar este obxectivo final o
proxecto terase que desenvolver en catro fases diferenciadas que se terán que
desenvolver na seguinte secuencia lóxica para poder chegar o eslavón final: o autoemprego da
muller rural ferrolá mediante o cooperativismo.
1. Análise de mercado:
Recollida de datos
·
Análise
externo: Procura de datos estatísticos demográficos, sociais e económicos do
municipio e parroquias.
·
Análise
interno: Procura de datos estatísticos ao sector de poboación obxectivo
previamente delimitado mediante enquisas. Véxase enquisa*
Mercado potencial
- Idenficación
de sectores de actividade.
- Identificación
de nichos de emprego e/ou de oportunidades para a xeración de emprego e
de actividade económica.
2. Estudio de resultados obtidos:
Mediante o estudio dos resultados acadados na fase previa
establecerase o perfil probabilístico da muller rural ferrolán a partir do cal
se establecerán os os sectores de actividade máis axeitados para o perfil obtido,
así coma as ferramentas adecuadas para desenvolver as accións encamiñadas a
formación da seguinte fase.
3. Implementación de actividades formativas:
Formulación dun
itinerário personalizado de accións formativas e de acompañamento que axuden ás
participantes a descubrir as potencialidades económicas do entorno e a valorar
a posibilidade de crear cooperativas de traballadoras que poidan desenvolver
servizos de proximidades ligados ao entorno e que creen riqueza e servizos no
rural ferrolán. Estas accións serán realizadas en diferentes parroquias da zona
rural ferrolán. O número de accións a realizar e os lugares serán pactados coas
entidades de mulleres e o
movemento veciñal do rural ferrolán.
Algunhas das actividades formativas entre outras a
impartir segundo as necesidades da zona serán:
·
Iniciativas de autoemprego
·
Xantar sobre rodas
·
Axuda no fogar
·
Venda de alimentos por internet
·
Promoción turística, cultural e medioambiental
4. Autoemprego da muller rural
Unha vez impartidos os talleres formativos onde se
trazarán as pautas a seguir e se dotará as usuarias das ferramentas precisas
para que sexan capaces de iniciarse nos sectores de actividade obxecto de
resultado da análise previa, guiarase a aquelas mulleres que cheguen o final do
proceso para que sexan quen de iniciar un proxecto empresarial baseado no
cooperativismo.
Véxanse
posibles fontes de financiación.
Véxase exemplos de
cooperativas.
No hay comentarios:
Publicar un comentario